到了人生的四份一 要展開一個新階段 : 工作
自己深深知道這與PART TIME 會很不同 工作是要對你自己人生負責 不再可以不喜歡就隨便DUM低唔做 你要負起照顧家庭的責任
一講起家庭責任, 壓力就來了 雖然家里的人沒有好明顯比壓力 但係你知道畢業
之後就代表你唔再係一個小朋友 小朋友 係唔開心失意既時候 可以跑向爸爸媽媽身邊
但當你唔再係小朋友既時候 你跑向既只有你自己. 因為你開始要對你自己既
.......
人
生
負
責
呢四個字真係好重好重, 重到可以壓死人既重量
但係重既背後,更加要問自己 你要過一個怎樣的人生?
呢一年真係發生好多事, 以前既我 我會好想努力把自己嫁出去 建立一個家庭(雖然依家都係好想,
因為做一個WORKING MAMI 真係好不容易[ Salute] )
依家既我 真係好想用自己能力去看更多地方 去感受更多地球既美妙 (係Over 左小小)
記得係台灣同一個澳洲女仔傾偈 KATY, 佢真係令我好佩服
因為當佢想學習一樣東西,佢會到那個地方投身學習,例如佢學冥想,佢係印度留左1年 etc
係佢字典入面唔會 放棄呢個字,佢唔會覺得佢為左學西班牙,貿然辭去物理治療師既工作係一種放棄
我問佢咁你返到澳洲點呀? 無左原本既工作,咁點算呢
一句 Then, just find another job.
其實果刻我收左皮. 其實會唔會我地香港人真係將生活,錢睇得太重 無錯無錢你連生活都不行
但係當你搵到錢果陣,你有無停低為自己諗一諗 其實一輩子既人生係唔係只係工作,生仔,去日韓
星馬泰歐洲SHOPPING 再工作到65 歲 好彩既仲行得走得,不幸既就可能就咁係劍橋望住個空窗
就咁先 BYE?
呢個真係只有自己先知
Well, 到呢一刻我呢個NEW GRAD 既薯仔 當然要工作先 人就係要現實一點因為沒有金錢, 我連
三餐都未有溫飽之時, 又憑什麼談思想談意義, 但三年後, 我希望當自己有一點錢的時候 再看看
這篇文章 我會有勇氣找 出自己活在地球的美麗
因為我真係唔想淨係識工作生仔去日韓星馬泰歐洲SHOPPING既肥C9 ( 我唔係想得罪你地架C9
軍團,我真係由心respect 你地~)[冒汗]
沒有留言:
張貼留言